Canlyniadau Chwilio - Bradford, Barbara Taylor

Barbara Taylor Bradford

| dateformat = dmy}}

Nofelydd oedd Barbara Taylor Bradford, OBE (10 Mai 1933 – 24 Tachwedd 2024). Roedd hi'n ysgrifennu yn Saesneg: cafodd ei geni yn Lloegr, ond roedd hi'n byw yn Unol Daleithiau America. Roedd ei nofelau'n gwerthu'n dda, gyda nifer yn werthwyr gorau.

Barbara Taylor oedd ei henw cyn priodi. Cafodd ei geni yn Armley, Leeds, yn ferch i Freda a Winston Taylor. Cafodd ei haddysg yn Ysgol Gynradd Christ Church yn Upper Armley, oedd yn un o ysgolion Eglwys Loegr, a hynny ar yr un pryd â'r awdur Alan Bennett. Cyhoeddwyd ei nofel gyntaf, ''A Woman of Substance'', ym 1979, a gwerthodd dros 30 miliwn o gopïau ledled y byd.

Cyfarfu Taylor â'i gŵr, y cynhyrchydd ffilm Americanaidd Robert E. Bradford, yn 1961, ar ôl i'r sgriptiwr o Loegr, Jack Davies, gyflwyno'r ddau. Priodasant yn 1963 a symud yn barhaol i'r Unol Daleithiau.

Daeth yn ddinesydd Unol Daleithiau America. Bu farw yn 91 oed, yn ei chartref yn Manhattan, Dinas Efrog Newydd. Darparwyd gan Wikipedia