John Cecil Pringle (Logan, Utah, - Los Angeles, ), John Gilbert izengoitiz ezaguna, Estatu Batuetako antzezlaria izan zen. Zinema mutuaren garaian antzezlaririk famatuenetakoa izan zen. Haren filmik gogoangarriena izan zen ''The big parade'' (1925, K. Vidor-ek zuzendua). Greta Garborekin batera lan egin zuen sarri, C. Brownen ''Flesh and the devil'' (1927, ''Haragia eta deabrua'') eta ''A woman of affairs'' (1928) filmetan, esaterako; edo E. Gouldingen ''Love'' (1927) filmean. Arazoak izan zituen zinema ahostuna sortu zenean, egoera berrira egokitzeko. Gilberten film ahostunek ez zuten arrakastarik izan, nahiz eta lan onik ere egin zuen tartean, esaterako: ''Downstairs'' (1932, Monta Bell zuzendari) eta ''Fast Workers'' (1933, T. Browning). Gehiegizko edanak hondatuta bizi izan zen azken urteetan, eta bihotzekoak jota hil zen.
Wikipediatik informazioa lortu