Bilaketaren emaitzak - Rodrik, Dani

Dani Rodrik

Dani Rodrik (Istanbul, 1957ko abuztuaren 14a) turkiar ekonomialaria da.

Turkian jaio zen eta judu sefardien familia batetik dator. Istanbulgo Robert Collegen graduatu ondoren, unibertsitate ikasketak egin zituen Harvard Collegen eta Princetongo Unibertsitatean. 2009tik 2016ra ''Radikal'' egunkarian idatzi zuen. 2011tik World Economics Associationgo batzorde exekutiboko kidea da.

National Bureau of Economic Research, Centre for Economic Policy Research (Londres), Center for Global Development, Institute for International Economics eta Council on Foreign Relations erakundeetako kidea da, eta ''Review of Economics and Statistics'' erakundeko editorea.

Carnegie Corporation, Ford Foundation eta Rockefeller Foundation enpresen bekak jaso zituen eta 2002an Leontief saria jaso zuen. 2008an Rotterdameko Erasmus unibertsitateko doktoretza jaso zuen eta Frantzisko aita santuak 2020an Gizarte Zientzien Pontifizia Akademiako kide izendatu zuen.

1997an argitaratutako ''Has Globalization Gone Too Far?'' liburuan merkatu globalaren eta gizarte-egonkortasunaren arteko tentsioak deskribatzen ditu, eta merkatu librea gizarte-egonkortasunerako mehatxutzat hartzen du.

Harvardeko Unibertsitatean Nazioarteko Ekonomia Politikoko irakaslea da eta Princetonen Gizarte Zientzietako irakaslea izan zen. Nazioarteko ekonomiaz, garapen ekonomikoaz eta ekonomia politikoaz argitaratu du. Bere lana politika ekonomiko onean eta gobernu batzuk arrakastatsuagoak eta beste batzuk ez hain arrakastatsuak izatearen arrazoietan oinarritzen da. Wikipediatik informazioa lortu